Ngilngig ang nahitabo sa usa ka pamilya didto sa India, ang estorya nagsugod sa usa ka 18-anyos nga batan-ong lalaki kinsa nakiglalis sa iyang pamilya tungod kay gusto niini nga mangayo og kwarta aron makapalit og iPhone.
Apan walay ikahatag ang iyang pamilya tungod sa kamahal niini. Didto na nagsugod ang tanan og naghulga sa iyang ginikanan nga moambak sa pampang. Misaka siya sa tumoy sa pampang og nagtindog og sige sa paghulga nga molukso kini.
Sulod sa hapit tulo ka oras, naningkamot ang iyang pamilya, mga residente sa lugar ug kapulisan nga pakalmahon siya ug pugngan sa iyang gihimo.
Apan misaka ang iyang amahan aron kuptan siya ug ipahilayo sa pangpang aron maluwas. Makalilisang nga nawad-an sila og balanse ug pareho silang nahulog sa pangpang nga mokabat sa 500 ka tiil ang giladmon.
Nakakita sa maong insidente ang inahan. Tungod sa dakong kakurat ug kalisang, nahulog usab siya sa pangpang uban nila. Makasubo nga namatay ang tulo ka miyembro sa pamilya.
Kini nga insidente usa ka makapaguol nga pahinumdom nga walay cellphone o bisan unsang materyal nga butang nga mas bililhon kaysa kinabuhi. Ang problema sa kwarta ug panaglalis sa pamilya mahimong masulbad pinaagi sa kalma nga pakigpulong ug pagpangayo og tabang.
Importante nga atong mahinumdoman nga sa panahon sa kasuko, kalagot, o dakong pressure, kinahanglan kitang magpabilin nga kalmado, ug mangayo og tabang sa mga tawo nga atong kasaligan. Ang usa ka desisyon nga gihimo tungod sa emosyon mahimong adunay dili na mausab nga sangputanan.
Sa katapusan, ang tinuod nga bili sa kinabuhi dili masukod sa presyo sa usa ka cellphone o sa bisan unsang butang nga atong gusto. Mas importante ang kinabuhi, pamilya, ug mga tawong nagmahal kanato.
Photo Courtesy: Jason Balmes
