Sikop sa drug buy-bust operation sa kapulisan ang usa ka batan-on niadtong nakalabay nga adlaw sa Barangay Osukan, lungsod sa Labason, Zamboanga del Norte.
Giila ang dinakpan nga si alyas Jeron, 18 anyos, ulitawo, walay trabaho, ug residente sa Barangay Antonino sa maong lungsod ug giila nga street level individual sa drugs watchlist.
Nasakmit atol sa operasyon ang gidudahang ilegal nga droga nga adunay gibana- banang gibug-aton nga usa (1) ka gramo ug adunay Standard Drug Price (SDP) nga nagkantidad og Php 6,800.00.
Ang nasakmit nga ebidensya sa droga ipadala ngadto sa Zamboanga del Norte Provincial Forensic Unit (Satellite Office, Liloy, Zamboanga del Norte) alang sa qualitative ug quantitative examination.
gipangunahan ang maong operasyon sa Municipal Drug Enforcement Team (MDET) sa Labason Municipal Police Station sa koordinasyon sa PDEA Regional Office 9 – Zamboanga del Norte, uban sa suporta sa 2nd ZNPMFC ug 905th Maneuver Company, RMFB9.
Photo Courtesy: Labason MPS
