Nakab-ot ang world record sa usa ka medical student ug YouTuber nga si Tom Kopke, 23-anyos nga gikan sa Germany human niya masulbad ang Rubik’s Cube samtang nag-freefall gikan sa eroplano.
Natapos ni Kopke ang puzzle sulod lang sa 23.333 segundos samtang nahagbong gikan sa kahanginan sa Mossel Bay, South Africa. Naapsan niya ang nakalabayng rekord nga miabot sa 28.250 segundos.
Segun ni Kopke, kasagaran siyam ka segundos ra niya mahuman ang Rubik’s Cube kung anaa sa yuta. Apan mas lisod kini samtang nag-freefall tungod sa kusog nga paglihok sa lawas.
Aron mas makontrol ang iyang lihok, gihimo niya ang challenge samtang nag-back-flying o nakatalikod sa kahanginan. Bisan adunay posibilidad nga mahulog ang puzzle, malampuson gihapon niya kini nahuman.
Dili pa taman didto ang iyang mga plano kay sunod niyang gustong tistingan ang paggama og puzzle samtang nagdagan kini sa marathon.
Photo Courtesy: Guinness World Records
