Napili bilang National Finalists sa 2026 Outstanding Awards ang tatlo ka Sangguniang Kabataan Chairperson kag isa ka Local Youth Development Officer ukon LYDO halin sa banwa sang Bagumbayan, Sultan Kudarat.
Ang mga SK Chairperson amo sanday Hon. Kathleen Kate O. Asug sang Barangay Kapaya, Hon. Regner V. Dayo Jr. sang Barangay Kinayao, kag Hon. Aimee Grace Bernal sang Barangay Bai Saripinang. Nakilala sila bangud sa ila pagpanguna, dedikasyon kag paghatag sang mga programa kag serbisyo para sa kabataan sa ila tagsa-tagsa ka barangay.
Samtang National Finalist man sa gihapon sa Outstanding Local Youth Development Officer Awards 2026 si Ma’am Mylen M. Gambet, Registered Social Worker (RSW)-LYDO.
Suno sa iya pahayag, siyam na ka tuig ang iya dedikasyon sa pagserbisyo kag pagpangabudlay para sa pagpauswag kag paghatag sang oportunidad sa kabataan sang Bagumbayan.
Ang awarding ceremony pagahiwaton sa Setyembre 5, 2026, sa La Carmela de Boracay Hotel & Convention Center sa Boracay, Aklan.
Photo Courtesy: LYDC Bagumbayan
