Nagpadayon ang pag-asenso sa international tennis stage ni Andre Aradanas Ilagan, isa ka Filipino-American tennis player nga naghalin sa Tual, President Quirino, Sultan Kudarat.
Si Ilagan, nga anay manughampang sang University of Hawai‘i, nakakuha sang wild-card entry sa qualifying tournament sang 2026 US Open, kag siya ang una nga anay UH men’s tennis player nga nakasulod sa nasambit nga torneo.
Pagkatapos sang iya collegiate career sang 2023, nag-pro siya kag nag-umpisa sa ITF Futures, antes nagsaka sa ATP Challenger Tour. Sa pagkakaron, yara siya sa No. 210 sa ATP rankings, nga suno pa amu ang pinakataas niya nga ranking tubtob subong. Nag-abot man siya sa championship match sang iya duha ka pinakabag-o nga tournaments.
Maga-umpisa ang iya kampanya sa US Open qualifying sa Agosto 23, kag kinahanglan niya makadaog sang tatlo ka matches para makasulod sa main draw.
Para kay Ilagan, isa ini ka daku nga kahigayunan nga marepresentar ang iya pamilya, kultura kag mga tawo nga nagasuporta sa iya pag-uswag sa bahin sang tennis.
Photo Courtesy: Destination PH
