Nailhan na ang patayng lawas nga napalgan diin usa diay ka mananagat og nalumos sa gikatahong hilan nga dagat didto sa Sitio Mabuni Bgy. Guadalupe, Syudad sa San Carlos mga pasado alas 8:00 sa buntag karung Dominggo Agosto 23,2026.
Giila ang biktima nga si Angelo Caliguid 21-Anyos, nagpuyo sa nasudnong dapit. Matud pa gabii pa kini nawala ug sa dihang nakabantay ang amahan sa biktima nga adunay naglutaw nga boya ug tsinelas nga gipanag-iya niini, dali kini niyang gisawm og nakumpirma nga sa iyaha kining anak.
Gikatahong kuyaw ang maong dapit ug aduna usab namatay sa susamang lugar. Sa pagkakaron, gipalawman pa sa kapulisan ang ilang imbestigasyon aron matino ang hinungdan sa kamatayon sa biktima. Samtang gipahimangnoan ang publiko nga mopalayo sa tubig-dagat kung taas ang lebel sa dagat aron malikay sa susamang insedente.
Photo Courtesy: NOCPPO SAN CARLOS CPS
