Gihukman sa High Court sa Hong Kong ang duha ka pro-democracy activists tungod sa pag-aghat og subversion, human giila sa korte nga ang ilang balik-balik nga paggamit sa panawagang “tapuson ang one-party dictatorship” nakalapas sa National Security Law nga gipahamtang sa China. Ang mga nahukman mao sila si Lee Cheuk-yan, 69 anyos, ug Chow Hang-tung, 41 anyos, nga kaniadto nangulo sa grupo nga nag-organisa sa tinuig nga paghinumdom sa 1989 Tiananmen Square crackdown batok sa mga pro-democracy protesters.
Sumala sa 16-page ruling summary sa tulo ka national security judges, ang kanunay nga paggamit sa maong panawagan, bisan walay kalabotan sa kapintasan, giisip nga pag-aghat sa katawhan batok sa nag-unang sistema sa estado ug sa nagharing Communist Party of China. Ang duha mahimong silotan og hangtod 10 ka tuig nga pagkabilanggo ubos sa National Security Law, samtang gipaabot nga sugdan ang ilang mitigation hearings sulod ning bulana.
Si Lee ug Chow, nga parehong nakadetinar sukad pa 2021, mipakiluoy og not guilty sa kaso. Laing kanhi lider sa grupo, si Albert Ho, 74 anyos, miangkon na sa kaparehong kaso. Ang hukom miabot taliwala sa mas higpit nga pagpatuman sa National Security Law sa Hong Kong, diin ang mga publikong paghinumdom sa 1989 Tiananmen Square protests—kaniadto legal ug gitugotan—epektibong napahunong sukad gipatuman ang balaod niadtong 2020.
Photo Courtesy: The Times
