Personal nga gitunol ni Brgy. Captain Paquito Abadies ang tig ₱20,000 nga educational assistance ngadto sa lima ka scholar sa Barangay Punao ubos sa Bagong Pilipinas Scholarship Program niadtong Agosto 20, 2026, sa Barangay Punao Session Hall.
Napili ang lima ka fourth-year students pinaagi sa transparent ug patas nga screening process, diin gihatagan og patas nga kahigayonan ang tanang kwalipikadong aplikante.
Ang mga scholar mao sila Yza Nicole Cabaluna, Arnold Genite Jr., Heather Angel Hojilla, Roselyn Sedeño, ug Crystal Ann Escoreal, nga nag-eskwela sa lain-laing kurso sa Colegio de Santa Rita de San Carlos, Inc. ug Central Philippines State University–San Carlos Campus.
Gipunting sa maong programa nga makahatag og suporta sa mga kabatan-onan ug sa ilang mga pamilya nga naningkamot alang sa ilang edukasyon ug kaugmaon.
Photo Courtesy: SANGGUNIANG KABATAANG-BARANGAY PUNAO
