Nagviral sa social media ang usa ka litrato sa lalaki gikan sa Asembo, Kenya nga nagpakita og grabe nga paghubag sa iyang nawong, diin sumala pa sa report nga giingong gipaak ang maong lalaki sa mga putyokan samtang nangani og dugos.
Tungod niini daling mikaylap ang maong hulagway, diin nagpakita o nagpamatuod kini nga ang iyang produkto nga dugos tinuod ug direktang gikan sa balay sa mga putyokan.
Ang maong litrato mikaylap sa Facebook, Instagram, ug X, apan wala pa mapamatud-i kung gigamit lang ba niya kini isip marketing strategy.
Kahibaloan nga adunay mga namaligya og dugos nga mogamit og mga litrato sa ilang kaugalingon aron nga ipakita sa mga mamalitay nga sila mismo ang nag-atiman ug nagproseso sa maong produkto.
Photo Courtesy: The Times of India
