Nasikop sa kapulisan ang 22 anyos nga gituohang drug pusher human sa gilusad nga hiniusang buy-bust operation sa Purok 10, Barangay Aplaya, Digos City, niadtong Oktubre 11, 2026, alas 3:10 sa kaadlawon.
Giila ang suspetsado nga si alyas “JAY,” residente sa maong barangay. Gipangunahan sa City Drug Enforcement Unit sa Digos Police Station, uban sa PDEA ug ubang operatiba, ang operasyon subay sa gipakusgang kampanya batok sa ilegal nga droga.
Nasakmit ang unom ka pakete sa gidudahang shabu nga motimbang og 12.69 gramos, nga nagkantidad og 86,292 pesos, lakip ang buy-bust money ug uban pang ebidensiya.
Giandam na ang kasong paglapas sa Republic Act 9165 o Comprehensive Dangerous Drugs Act of 2002 batok sa suspetsado.
