Hustisya ang singgit sa pamilya sa usa ka 70-anyos nga senior citizen ug Person with Disability o PWD nga gituohang gilugos ug gipatay sa Purok Orchids, Barangay Hilltop, Dapitan City, niadtong nakalabay nga adlaw.
Sumala sa anak sa biktima nga nakaplagan ang patay nga lawas sa iyang inahan sa ubos nga bahin mga 100 metros gikan sa balay sa biktima, nga wala nay sapot. Gituohan usab nga gikawatan ug kwarta ang biktima.
Segun pa nga gidudahan usab sa pamilya nga ang silingan nga batan-on ang nagbuhat gumikan adunay brief nga nahibilin, human sa krimen nawala matud pa og kalit ang gituohang suspek.
Sa kasamtangan padayon pang gipangita sa mga otoridad ang responsable sa maong krimin.
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: 𝐑𝐡𝐚𝐢𝐳𝐳𝐚𝐡 𝐉𝐮𝐥𝐥𝐢𝐞𝐧𝐧𝐞 𝐁𝐚𝐲𝐫𝐨𝐧 𝐃𝐚𝐜𝐮𝐥𝐚
