Samdan nang gidala sa ospital ang usa ka lalaki human kini gipusil sa iyang silingan diha sa Purok 5, Millionaire Village, Olarte State, Barangay Labangal, ning dakbayan sa General Santos, alas-10:40 sa gabii Oktubre 8, 2026.
Ang biktima naila nga si alyas John, 41 anyos, minyo, ug residente sa nasampit nga lugar. Subay sa imbestigasyon sa kapulisan, nga dunay daang panagbangi ang biktima ug suspek, hangtod nga misangko sa pagpamusil.
Nakaangkon og samad sa dughan ang biktima, samtang misibat ngadto sa wala matino nga direksyon ang suspek human sa insidente. Gidala dayon sa balay tambalanan ang biktima ug sa kasamtangan, anaa na kini sa stable nga kahimtang.
Samtang gibutyag ni PMAJ Ari Noel Cardos ang hepe sa police station 2 nga ilang gipalawuman pa ang ilahang imbistigasyon bisan paman sa plano sa pamilya nga magpasaka sila ug kaso diin ang kapulisan ang andam usab mu alalay ngadto kanila.
