Giandam na alang sa mga apektadong mag-uuma ang anaa sa P36 million nga crop insurance payout gikan sa Philippine Crop Insurance Corporation (PCIC).
Kini alang sa 5,005 ka mga mag-uuma nga nadaot ang mga pananom tungod sa Bagyong Luis ug Maymay, lakip ang epekto sa Southwest Monsoon o Habagat gikan Agosto 1 hangtod 11, 2026.
Sumala sa Department of Agriculture, anaa sa P35.67 million ang initial estimate sa insured damages sa unom ka rehiyon. Pinakadaghan ang naapektuhang mga mag-uuma sa Central Luzon o Region III nga miabot sa 1,836, gisundan sa Region I nga adunay 1,218 ug Region IV-B nga adunay 836.
Pinakadako usab ang insured losses sa humay nga mikabat sa P25.60 million, gisundan sa high-value crops nga P3.73 million ug mais nga P3.55 million. Gi-mobilized na sa PCIC ang ilang mga regional office alang sa validation sa mga kadaot ug alang sa pagpadali sa processing sa insurance claims.
Matud sa DA, importante ang dali nga paghatag og ayuda aron makabangon dayon ang mga mag-uuma ug makapadayon sa ilang panginabuhian.
Photo Courtesy:Wikipedia
