Sikop sa mga personahe sa Sibagat Municipal Police Station (Sibagat MPS) ang usa ka giingong street-level drug personality human sa malampusong buy-bust operation sa Sibagat, Agusan del Sur. Gipahigayon ang maong operasyon isip kabahin sa nagpadayong kampanya sa kapolisan batok sa ilegal nga druga aron mapalig-on ang kahapsay ug kalinaw sa komunidad.
Nakuha gikan sa posisyon sa dinakpan ang tulo ka pakete sa gidudahang shabu nga adunay kinatibuk-ang Dangerous Drugs Board (DDB) value nga Php 6,120.00, usa ka green nga lighter, duha ka aluminum foil, ug ang Php 500.00 nga buy-bust money.
Gidala na ang suspek sa kustodiya sa kapolisan alang sa dokumentasyon ug pagpapahigayon sa tukmang legal nga proseso tungod sa paglapas sa Republic Act No. 9165 o ang Comprehensive Dangerous Drugs Act of 2002.
Photo courtesy: Sibagat Municipal Police Station
