Napahigayon kagahapong adlawa Agosto 12, 2026 ang Measles-Rubella Supplemental Immunization Activity (MR-SIA) sa Barangays Yubo, San Miguel ug Batuan sa La Carlota City, nga gipangulohan sa La Carlota City Primary Care Facility 1.
Kabahin kini sa “Ligtas Tigdas” program nga nagtumong sa pagpalig-on sa proteksyon sa mga bata batok sa measles o tigdas ug rubella pinaagi sa supplemental immunization sa mga barangay, ilabi na aron malikayan ang posibleng pagkaylap sa maong mga sakit sa komunidad.
Gipasiugda sa mga health worker ang kahinungdanon sa pag-apil sa mga kwalipikadong bata sa MR-SIA, ug giawhag ang mga ginikanan ug guardians nga makig-coordinate sa ilang barangay health workers o local health personnel alang sa hustong impormasyon kabahin sa programa ug immunization.
Pinaagi sa padayon nga kampanya sa pagbakuna, gipalig-on sa mga health authority ang ilang paningkamot nga mapalapad ang immunization coverage ug mapanalipdan ang mga bata ug komunidad batok sa tigdas ug rubella, isip kabahin sa preventive health measures sa La Carlota City.
Source: La Carlota City. PIO
