Nailhan na ang identidad sa usa ka drayber nga usa ka 16-anyos kinsa mibangga patay sa usa ka awto sa Purok Barracks, Barangay Camingawan, Kabankalan City, niadtong Agosto 11, 2026. Giila ang biktima sa alyas nga Dave, 16-anyos, drayber sa Euro 125 nga motorsiklo ug residente sa Purok Star Apple sa maong barangay.
Base sa inisyal nga impormasyon, nag-U-turn paingon sa wala ang Honda Jazz nga gimaneho ni Nelson Tanzo Jr., 39 anyos, dihang kalit kining nabanggaan sa motorsiklo nga giingong kusog ang dagan. Ang biktima namatay tungod sa mga samad nga naangkon sa aksidente.
Nasamdan usab ang angkas sa motorsiklo ug padayon nga nagpaalim sa balay tambalanan. Samtang, wala maangol si Tanzo ug boluntaryong mitahan sa kapulisan.
Matud ni Police Lieutenant Colonel Gary Alan Resuma, adunay unang paghisgot ang mga hingtungdan kabahin sa insidente, samtang nagpadayon ang imbestigasyon sa kapulisan aron matino ang hingpit nga hinungdan sa aksidente.
Photo Courtesy: KABANKALAN CPS
