Naaresto sa kapulisan ang usa ka 42-anyos nga lalaki atol sa pagpatuman sa search warrant operation sa Purok Buongon, Barangay Pongapong, San Pablo, Zamboanga del Sur, mga alas 4 sa kaadlawon niadtong Agosto 12, 2026.
Ang operasyon gipahigayon sa San Pablo Municipal Police Station, kauban ang 2nd Zamboanga del Sur Provincial Mobile Force Company, base sa search warrant nga giisyu sa Regional Trial Court 9 sa Pagadian City.
Na-recover sa mga otoridad ang usa ka kalibre .45 nga armas, usa ka magazine ug 20 ka buhing,usa ka itom nga holster, itom nga sling bag ug usa ka pajama nga giingong gigamit isip sudlanan sa mga bala.
Ang 42-anyos nga suspetsado, nga usa ka mag-uuma ug residente sa San Pablo, gidala ngadto sa San Pablo Municipal Police Station uban sa mga nakumpiskang ebidensya alang sa imbestigasyon.
Atubangon sa suspetsado ang kasong may kalabutan sa paglapas Republic Act 10591 o Comprehensive Firearms and Ammunition Regulation Act nga karon giproseso na sa mga otoridad.
