Padayon nga gipalig-on sa Cabidianan Fire Sub-Station ang ilang pamaagi sa pagresponde sa mga insidente sa sunog sa tibuok Lungsod sa Nabunturan, ilabina karong ting-init nga kasagarang adunay mas taas nga risgo sa sunog.
Sa pagbisita sa Juander Radyo Nabunturan News Team sa maong fire station niadtong Agusto 11, 2026, nahinabi si SFO4 Dexter H. Carmona, nga nipadayag nga kasagarang duha o tulo ka firetruck ang ilang unang ipadala sa lugar sa sunog aron mapugngan dayon ang pagkuyanap sa kalayo.
Samtang, nisunod usab ang mga dagkong firetruck alang sa padayon nga pagpalong sa kalayo ug pagpatuman sa fireout operation.
Gipahinumdoman ni Carmona ang publiko nga kanunayng mag-amping ug mosunod sa mga fire safety measures aron malikayan ang sunog, ingon man ang posibleng pagkawala sa kinabuhi ug pagkadaot sa mga kabtangan.
