Gidayeg sa Kapuso actor nga si Ruru Madrid, ang iyang bayaw nga si basketball player Kai Sotto, ug giingong usa kini ka buotan ug responsable nga tawo.
Sa interbyu ni Boy Abunda, gibutyag ni Ruru nga kaniadto nahadlok ang iyang igsoon nga si Rere Madrid sa pagsulti kaniya nga buntis na kini ug magminyo, tungod kay istrikto siya isip maguwang.
Matud ni Ruru, ang iyang uyab nga si Bianca Umali maoy mitambag kaniya nga dili mahimong sobra ka istrikto aron dili mahadlok ang iyang mga igsoon sa pagsulti sa ilang gibati.
Human masayran ang sitwasyon, gihangyo ni Ruru si Kai nga personal nga mosulti sa ilang ginikanan. Bisan adunay duwa sa Japan, mipauli si Kai aron buhaton kini ug mibalik dayon pagkahuman.
Tungod niini, dako ang respeto ni Ruru kang Kai. Matud pa niya, nakita niya ang tinuoray nga pagkatawo sa basketball star, ug karon mas nagkasuod na sila pinaagi sa mga bonding ug double date uban nila ni Bianca Umali ug Rere Madrid.
Si Kai ug Rere naminyo sayo ning tuiga, ilang gipahibalo nga nagpaabot na sila sa ilang unang anak.
Photo Courtesy: Ruru Madrid
