Nasakmit sa kapulisan ang kapin P15 milyon nga kantidad sa gituohang smuggled cigarettes ug nadakpan ang tulo ka mga suspek atol sa anti-smuggling operation sa pantalan sa Barangay Looc niadtong Agosto 5.
Lakip sa nasakmit ang 263 ka master cases sa sigarilyo, 200 ka kahon sa uga nga isda nga tamban, ug ang canter truck nga gigamit sa pagbiyahe sa mga kargamento.
Gidala sa Dumaguete City Police Station ang drayber ug iyang duha ka kauban alang sa dokumentasyon ug pagsang-at sa angayng kaso. Sumala sa Police Regional Office–Negros Island Region, ang operasyon kabahin sa kampanya batok sa pagpamaligya ug pag-apod-apod sa mga smuggled nga produkto.
Photo Courtesy:: PRO-NIR
