Gipahigayon sa National Police Commission Regional Office XI (NAPOLCOM RO XI) ang CY 2026 Inspection and Assessment Activity sa Asuncion Municipal Police Station (AMPS) niadtong Agosto 4, 2026. Gipangunahan ni Police Inspector III Freddie J. Berame ang maong kalihokan nga nagsugod sa usa ka orientation diin gipasabot sa inspection team ang mga pamaagi sa inspeksyon.
Gisundan kini sa interbyu sa mga personahe, inspeksyon sa mga kagamitan, pagberipika sa attendance, ug rank inspection aron masusi ang pagsunod sa mga polisiya, standards, ug regulasyon.
Ang maong assessment nagtumong sa pag-evaluate sa operasyon sa estasyon ug pagpalig-on sa pagsunod sa mga sumbanan sa Philippine National Police sa paghatag og episyente ug epektibong serbisyo sa komunidad.
Sumala sa NAPOLCOM, ang inspeksyon nagpalig-on sa commitment sa Asuncion MPS ubos sa liderato ni PMAJ Collin S. Rama, Chief of Police, sa propesyonalismo, transparency, accountability, ug padayon nga pagpalambo sa organisasyon.
Photo Courtesy: PNP DavNor Asuncion MPS
