Gisugdan na sa lokal nga panggamhanan sa Tagum City ang pagdisenyo alang sa bag-ong pinakataas nga Holiday Tree nga maoy mahimong sentro sa selebrasyon sa kapaskuhan sa dakbayan sa matag tuig.
Samtang padayon ang preparasyon alang sa bag-ong dagway sa Tagum’s Giant Holiday Tree, giawhag usab ang mga residente ug mga bisita nga balikon ug ipaambit ang ilang labing halandumon nga mga kasinatian ug mga litrato uban sa Holiday Tree sa mga miaging tuig.
Sulod sa daghang katuigan, nahimong simbolo sa kapaskuhan ang Giant Holiday Tree sa Tagum diin dinhi nagtigom ang mga pamilya, managhigala, ug mga turista aron mokuha og mga hulagway ug magsaulog sa malipayon nga espiritu sa Pasko.
Gilauman nga ang bag-ong disenyo sa Holiday Tree maghatag na usab og mas hayag ug mas talagsaong kasinatian alang sa mga Tagumenyo ug publiko, nga magpadayon sa tradisyon isip usa sa mga paboritong destinasyon sa holiday season sa rehiyon.
Sa pagkakaron, wala pa gipadayag sa LGU Tagum ang kompletong detalye sa tema ug bag-ong disenyo, apan gilauman nga kini mahimong usa na usab ka talagsaong atraksiyon nga pagabisitahon sa mga residente ug mga turista sa bulan sa Disyembre.
Photo Courtesy: City Government of Tagum
