Nagpadayon paghatag og mysteryo sa mga arkeologo ang gitawag nga “Baghdad Battery,” usa ka karaang artepakto nga nadiskubre duol sa Baghdad niadtong 1936.
Gilangkuban kini sa usa ka kolon nga adunay tumbaga, puthaw ug bitumen. Sa mga eksperimento nga gihimo sa mga tigdukiduki, napamatud-an nga makahimo kini og gamayng boltahe kon butangan og aslom nga likido sama sa suka.
Tungod niini, mitumaw ang teoriya nga posible nga adunay batakang kahibalo sa elektrisidad ang karaang sibilisasyon kapin duha ka libo ka tuig na ang milabay.
Bisan pa niini, wala pa’y lig-on nga ebidensya nga gigamit gayod kini isip baterya, busa nagpadayon ang mga pagtuon aron matino ang tinuod nga katuyoan sa maong artepakto.
Photo Courtesy:Chemistry World
