Gidaro ang usa ka balay sa dump truck nga gamit pang-spray sa mga mangga sa Barangay Balabag, Digos City. Sumala sa inisyal nga impormasyon, gikan pa nagspray sa mangga ang maong sakyanan sa dihang giingong nawad-an og preno, hinungdan nga wala na kini makontrol sa driver.
Dakong kadaot ang nahitabo sa unahang bahin sa trak ug sa terrace sa maong balay. Samtang angol ang drayber nga giila nga si alyas “Jongjong” ug daling gidala sa ospital ang biktima alang sa medikal nga attensyon human nainjured ang paa tungod sa kusog nga impact.
Walay nadamay nga residente sa maong panghitabo, og nagpadayon pa ang imbestigasyon sa mga awtoridad aron matino ang tinuod nga hinungdan sa aksidente.
