Gitangtang na ang alert status sa Visayas grid human nakabalik sa operasyon ang Generating Unit 3 sa Panay Energy Development Corporation (PEDC).
Ang maong 278.4-megawatt nga coal-fired power plant nakadugang pag-usab sa suplay sa kuryente sa Visayas, human kini naayo gikan sa deperensya sa ekipo nga nagsugod pa niadtong tungatunga sa Mayo.
Matud sa kompanya, gipailalom ang pasilidad sa serye sa inspeksyon, pag-ayo ug pagsulay aron masiguro ang luwas ug kasaligan nga operasyon. Samtang, nagpabilin gihapong wala sa operasyon ang Generating Unit 2 sa maong planta.
Photo Courtesy:Philippine News Agency
