Nakadawat og relief goods ang 63 ka pamilya nga naapektuhan sa sunog sa Purok 1, Barangay Tambacan, Iligan City niadtong nakalabay nga adlaw.
Nagulo sa pagpanghatag sa tabang si ICDRRMO Head Armien Alorro ug CSWD Program Supervisor Amarga, uban sa mga empleyado sa opisina ni Konsehal Emborong, subay sa direktiba sa Mayor sa syudad aron mapadali ang pag-abot sa ayuda sa mga biktima niadtong Hulyo 30, 2026.
Matag pamilya nakadawat og bugas, family food packs, sleeping kits, hygiene kits, ug mga gamit sa kusina aron makatabang sa ilang adlaw-adlaw nga panginahanglan.
Sumala sa LGU, nagpadayon ang koordinasyon sa nagkalain-laing opisina aron masiguro ang dugang nga suporta ug mapadali ang pagbangon sa mga pamilyang naapektuhan sa maong sunog.
