Nakadani og mga boluntaryong blood donor ang Bloodletting Program nga gipahigayon sa Local Government Unit (LGU) sa Kauswagan, sa pakigtambayayong sa Kauswagan Elite Eagles Club ug Amai Pakpak Medical Center, niadtong nakalabay nga adlaw, sa Brgy. Tacub, Kauswagan, Lanao del Norte.
Tumong sa kalihokan, ang pagpalig-on sa suplay sa dugo alang sa mga pasyenteng nagkinahanglan niini ug sa pagdasig sa publiko nga mahimong regular nga blood donor.
Isip pagpasalamat sa mga mitubag sa kalihokan, gihatagan og lima ka kilo nga bugas ang unang lima ka mga donor, samtang duha ka kilo nga bugas ang nadawat sa ika-unom hangtod sa ika-20 nga donor.
