Kompirmado nga napalgang wala nay kinabuhi ang 2-anyos nga batang si Ian Minoza, taga Purok 3, Barangay Camayahan, dakbayan sa Butuan, lima ka adlaw human siya nawala.
Sumala sa inisyal nga impormasyon, nawala ang bata dihang gibilin kini sulod sa balay nga nagtan-aw og video sa cellphone samtang ang iyang inahan nanilhig sa ilang palibot.
Nagkahiusa ang Philippine National Police–Women and Children Protection Desk (WCPD) sa Butuan City Police Station 4, sa ilang search operations, intelligence monitoring, area verification, ug koordinasyon sa ubang mga ahensya ug mga indibidwal aron hugot ang pagpangita sa missing nga minor edad.
Nakaplagan kini distansya sa ilang pinuy-anan nga nadugta na ang nawong niini. Daghang nagkadaiyang angulo ang mitungha human nga adunay nag-ingon nga gikuha sa engkanto, gi-kidnap o kaha adunay nahitabo sa bata, og adunay pipila nga espekulasyon nga matod pa ang inahan usa sa mga hinungdan sa panghitabo.
Samtang sa pagkakaron nagpadayon pa ang imbestigasyon sa kapulisan aron masuta ang tinuod nga panghitabo.
