Nasikop sa mga kapulisan ang usa ka lalaki atol sa gikasang search warrant operation didto sa Sitio Tinimbo, Barangay Poblacion, Cateel, Davao Oriental pasado alas 9:51 sa buntag, niadtong Hulyo 27, 2026.
Ang operasyon gipangunahan sa mga personahe sa Cateel Municipal Police Station, kauban ang mga sakop sa PIU-DOPPO ug 1st DOPMFC nga miresulta sa pagkasikop ni alyas “MIC” 36-anyos, adunay kapuyo, laborer ug residente sa maong lugar.
Narekober gikan sa suspetsado ang usa ka yunit sa Caliber .38 revolver nga walay serial number nga adunay sulod nga lima ka buhing bala, 13 ka buhing bala sa Caliber .45 ug usa ka short Firearm nga Holster kolor itom.
Sa pagkakaron ang dinakpan uban sa nakumpiskang mga ebidenya anaa na sa kustodiya sa Cateel Municipal Police Station alang sa hustong disposisyon ug giandam na usab ang kasong paglapas sa RA 10591 kun Comprehensive Firearms and Ammunition Regulation Act.
Photo Courtesy: Cateel MPS
