Nakadawat og pasidungog ang Juander Radyo Tagum 100.7 FM gikan sa kapulisan sa Davao Norte Police Provincial Office (DNPPO), Hulyo 30, 2026, isip pag-ila sa bililhong suporta ug mahinungdanong kontribusyon sa pagmintinar sa kalinaw, kahapsay, ug pagpalambo sa komunidad ug kalamboan sa lalawigan.
Nagpamatuod kini sa lig-on nga panaghiusa tali sa media ug kapulisan sa paghatag og tinuod ug responsableng impormasyon alang sa kaayohan sa katawhan. Among ipahinungod kining pasidungog sa tanan nga nagpadayon sa pagsalig ug nagsuporta kanamo.
Magpadayon kami sa paghatag og tinuod, patas, ug responsableng balita ug serbisyo isip kauban sa komunidad ug sa mga ahensya nga nagtinguha sa malinawon ug luwas nga Davao del Norte.
Daghang salamat sa Davao Norte Police Provincial Office
Kudos Juander Radyo Tagum!
