Bagsak ang grado ni President Bongbong Marcos Jr. alang sa pipila sa katawhan gumikan dili satisfied sa performance sa trabaho niini.
Usa na niana ang mihatag ug bagsak nga grado si Jaime Paglinawan usa ka labor organizer ug chairperson usab sa Alyansa sa mga Mamumuo sa Sugbo–Kilusang Mayo Uno.
Atol sa eksklusibong pakighinabi sa Juander Radyo kang Jaime Paglinawan, gibutyag niini nga daghang gisaad si PBBM sa nang labay nga SONA nga wala pa matuman.
Usa na sa gibatikus niini ang flood control scandal nga daw puro lang imbestigar sa anomalusong proyekto sa gobyerno. Hain na matud pa ang mga dagkong isda o involve sa kaso nganong wala matud pa mapriso.
Wala usab makalingkawas si Vice President Sara Duterte sa opinyon niining bagsak usab sa grado human nalambigit gihapon sa kasong korapsyon ug uban pang isyu batok kang VP.
Usa sa panawagan ug panghinaut ni Jaime nga seryusohon sa gobyerno ang pagsulbad sa problema sa Pilipinas o paghatag ug saktong serbisyu nga tinguha sa Pilipino. Gali gilakbitan usab niini nga patas-an ang suholan sa mamumuo o emplyado sa gobyerno nga hilabihang makatabang pag-ayo sa mga Pilipino.
Kung patas-an ang sweldo sa Luzon, dapat patas-an usab matud pa ang Visayas og Mindanao aron mamahimong patas.
Kini nga mga pamahayag ni Jaime gibutyag ayha nasugdan ang State of the Nation Address ni PBBM kagahapong adlawa, adlawng Lunes, Hulyo 27, 2026.
Sa pikas bahin, wala nakabati og kabag-uhan ang sektor sa mag-uuma sa pila ka tuig nga pagdumala sa marcos administration taliwala sa dakong budget nga gigahin sa sektor sa agrikultura.
Gane sumala pa ni Boyet Santilla, gikan sa grupong BTL Farmers, inay pakusgon ang suporta kanilang mga mag-uuma, mas nikunhod pa hinuon ang nadawatan nilang ayuda.
Saysay ni Santillan, gikan sa 7 mil pesos, 2 mil pesos nalang ang naabot sa ilaha nga financial assistance. Samtang usa ka sako sa abono nalang matag ektarya ang ilahang nadawatan nga fertilizer assistance.
Sa ingon niini nga kahimtang, gawas sa perming delay ang hinabang, dili paigo ang ilahang nadawatan nga suporta aron nga magmalahutayon sa pangpanguma nga muresulta pa sa pagkalubong sa utang sa mga mag-uuma.
Panghinaot nila nga mas ma-improve unta ang sektor sa agrikultura labi na ang tabang ngadto sa mga mag-uuma tungod na sab sa hulga karon sa epekto sa El Niño.
Photo courtesy: PCO
