Gidawat ni Kuya Kim Atienza ang public apology ni Fr. Jowel Jomarsus P. Gatus human sa kontrobersyal nga pahayag sa pari bahin sa depresyon. Gipakita ni Kim sa iyang Facebook ang screenshot sa pasaylo ug ang iyang tubag niini.
Una nang gisaway ni Kim ang pari tungod sa pagtandi sa mga pasyente sa ospital ug sa mga tawo nga nag-antos og depresyon. Matod ni Kim, ang depresyon usa ka tinuod nga sakit sa pangisip ug ang mga adunay mental illness nakigbisog usab sa mga hagit sa kinabuhi.
Sa public apology, ni Fr. Jowel nga wala niya tuyoa nga makasakit sa mga adunay depresyon ug giila niya nga kinahanglan sila ug pagsabot, pag-ampo, ug suporta. Gidawat ni Kim ang pasaylo ug miingon nga nasayod siyang maayo ang tumong sa pari, samtang gipasiugda usab niya ang kahinungdanon sa paghisgot sa mental health aron makatabang sa pagluwas sa mga batan-ong kinabuhi.
Photo courtesy: Venielyn Rahman
