Gisunog ang duha ka mosque sa West Bank human sa pag-atake sa mga Israeli settlers, kini sumala sa pahayag sa mga opisyal sa Palestina.
Sumala pa, nahitabo kini nga insidente human sa sunod-sunod nga kagubot nga gikamatay sa upat ka Palestino ug duha ka sundalong Israeli, diin, apektado niini ang moske sa Qusra ug Kour.
Sa pagkakaron, gipakusgan sa Israel ang operasyon sa West Bank pinaagi sa pagtak-op sa mga dalan ug pagdakop sa kapin 70 ka Palestino, samtang nagpadayon ang tensiyon sa maong rehiyon.
Photo Courtesy: presstv
