Gikumpirma na sa volleyball superstar nga si Alyssa Valdez ang iyang relasyon sa golfer ug negosyanteng si Ian Umali, human sa pipila ka bulan nga espekulasyon sa publiko ang ilang panag-uyab.
Sa usa ka Instagram Reel nga gipost atol sa selebrasyon sa iyang birthday, pirmi nang gitawag ni Alyssa si Ian nga “my boyfriend,” nga maoy unang higayon nga publiko niyang gikumpirma ang ilang relasyon.
Atol sa maong salo-salo, nanghatag usab og birthday wishes ang iyang pamilya ug mga higala. Ang beauty queen nga si Samantha Bernardo nagbiro pa pinaagi sa pag-manifest og “proposal,” hinungdan nga naulaw si Alyssa.
Samtang ang aktres nga si Angelica Panganiban nag-ingon nga ang iyang gipangandoy alang kang Alyssa mao ang singsing nga “masul-ob matag adlaw sa tudlo,” nga nagpasabot sa kaminyoon.
Gawas niini, gipanghinaot usab sa iyang mga higala si Alyssa og maayong panglawas, dugang kalipay, ug daghang panalangin sa umaabot niyang tuig.
Photo Courtesy:x.com
