Gipahayag sa Malacañang nga lig-on ang baruganan sa Pilipinas batok sa forced labor, kasunod sa taho nga magpahamtang ang administrasyon ni U.S. President Donald Trump og mas taas nga taripa sa mga produkto gikan sa 60 ka trading partners, lakip ang Pilipinas.
Matud ni Palace Press Officer Undersecretary Claire Castro, gitahod sa gobyerno ang proseso sa Estados Unidos ug gipahibalo niini nga adunay lig-on nga polisiya ang Pilipinas batok sa pagpugos sa mga mamumuo sa pagtrabaho.
Gibutyag usab ni Castro nga gipirmahan niadtong Huwebes ang usa ka Joint Administrative Order nga nagtukod og mekanismo aron mapugngan ang pagsulod sa mga imported nga produkto nga gihimo pinaagi sa forced labor.
Ang maong mando gipirmahan nila Department of Trade and Industry Secretary Ma. Cristina Roque, Finance Secretary Frederick Go, ug Department of Labor and Employment Secretary Francis Tolentino.
Gidili sa maong polisiya ang pag-import sa mga produkto nga adunay kalabotan sa forced labor ug naglatid og klarong mga lagda sa inspeksyon sa mga kargamento.
Nag-ingon usab ang Malacañang nga magpadayon ang pakig-istorya sa Estados Unidos samtang gisusi pa ang mga exemption ug ang posibleng epekto niini sa mga eksport sa Pilipinas.
Photo Courtesy:Conectas.org
