Nakitang naggunitay ang mga kamot sa duha ka kalabira, human kini nakalutan tungod sa ilang posisyon,ug gituohang magtiayon sila nga gitawag ug “Lovers of Modena,”nga kini nakapapukaw og interes nga nadiskobrehan sa mga archaeologist sa Modena, Italy.
Matod sa pag-analisar pinaagi sa proteins sa tooth enamel, napamatud-an sa mga siyentista nga parehong lalaki ang duha ka kalabira, ug dili lalaki ingun man babaye sama sa unang gituohan.
Bisan pa sa maong nadiskobrehan, wala pa gihapon mahibal-i ang ilang tinuod nga relasyon. Posible silang magsoon, mga paryente, suod nga higala, o mga kauban sa gubat nga gilubong nga maggunitay og kamot.
Ang maong nadiskobrehan nagpahinumdom nga ang unang mga pagtuo sa archaeology mahimong mausab samtang nag-uswag ang siyensya ug teknolohiya.
Photo Courtesy: Wikipedia
