Malampuson nga gipahigayon ang orientation sa Juander Radyo Loyalista Incorporated sa duha ka lugar sa Pagadian City karong Hulyo 25, 2026.
Sa buntag, gipahigayon ang orientation sa Purok San Francisco, Barangay Bomba, Pagadian City, diin daghang residente ang mitambong ug namati sa pagpasabot kabahin sa organisasyon.
Sa hapon, gipadayon ang orientation sa Purok 1-Talong, Barangay Kahayagan, Pagadian City, diin mainiton usab nga gidawat sa mga miyembro sa Purok ang Juander Radyo News Team.
Ang Juander Radyo Loyalista Incorporated usa ka organisasyon kabahin sa pagtinabangay diin ubos sa maong programa, ang matag miyembro obligado nga motabang og 10 sentimos alang sa matag miyembro sa organisasyon nga motaliwan, isip paagi sa pagtabang bisan sa ginagmay nga kantidad.
Sa mga gustong mahimong miyembro sa Juander Radyo Loyalista Incorporated, mahimo kamong mobisita sa Juander Radyo Pagadian Station nga nahimutang sa Sindatoc Building, Pulmones Street, San Pedro District, Pagadian City.
