Gideklara sa State of Pennsylvania ang Hulyo 24 isip “LeBron James Day,” ang adlaw nga opisyal siyang mipirma sa iyang kontrata uban sa Philadelphia 76ers.
Mihatag dayon og proclamation si Pennsylvania Governor Josh Shapiro isip pag-ila sa talagsaong karera ni LeBron, sa iyang daghang rekord ug kalampusan, ingon man sa gilaumang maayong kaugmaon niya uban sa Philadelphia.
Gipasiugda sa gobernador ang daghang nahimo ni LeBron, lakip ang iyang upat ka NBA championships, pagka-all-time leading scorer sa NBA sukad 2023, daghang Most Valuable Player (MVP) awards, tulo ka Olympic gold medals, ug 22 ka All-Star selections.
Gawas sa iyang kalampusan sa basketball, gidayeg usab ang NBA superstar tungod sa iyang daghang programa alang sa komunidad, sama sa pagtabang sa mga out-of-school youth, paghatag og scholarship ug college support, pagtukod og mga balay, ug paghatag og pagkaon, tambal, ug uban pang serbisyo.
Matud ni Gov. Shapiro, ang mga maong inisyatiba nagpakita sa dakong kontribusyon ni LeBron dili lamang isip atleta kondili usab isip lider sa mga kawanggawa nga nakatabang sa liboan ka pamilya ug kabatan-onan.
Nahinumduman nga mipirma si LeBron James og duha ka tuig nga kontrata nga nagkantidad og $8 milyon uban sa Philadelphia 76ers, diin makadula niya ang mga kauban nga mga star sa NBA.
Photo Courtesy: Tiktok
