Naka-full alert status ang Bukidnon Police Provincial Office (BUKPPO) karong adlawa, Hulyo 27, 2026, agig pagpangandam sa ikalimang State of the Nation Address (SONA) ni Presidente Ferdinand Marcos Jr.
Gibutyag ni BUKPPO Spokesperson Police Capt. Sheila Joy Jangad nga hugot nga gipatuman ang maong order sa tibuok lalawigan aron maseguro ang kalinaw ug kahapsay, diin tanang personahe sa kapulisan gimanduan nga walay gitugutang mag-absent o mag-leave sulod niining panahona.
Bisan pa man sa gipahigayon nga hugot nga seguridad, giklaro sa opisyal nga wala silay namonitor nga bisan unsang bahad sa kagubot o mga lihok-protesta sa tibuok probinsya.
Hinuon, nagpabilin nga alerto ug padayon ang gihimong pagbantay sa kapulisan aron maprotektahan ang publiko ug mapadayon ang kahusay sa komunidad sa adlaw sa SONA.
Photo Courtesy: BUKPPO
