Mopadala ang Pilipinas og 13 ka atleta sa Asian Youth and Junior Weightlifting Championships nga pagahimoon sa Tashkent, Uzbekistan gikan Agosto 7 hangtod 14.
Mangulo sa kampanya sa Philippine team ang Zamboanga City pride nga si Albert Delos Santos, nga mosalmot sa Youth 70-kilogram category.
Si Delos Santos mao ang ni-champion sa IWF World Junior Championships sa Egypt niadtong Mayo ug nakatala pa og bag-ong world record sa clean and jerk event.
Lakip sa mukuyog sa Uzbekistan Team sila Althea Bacaro, Alexsandra Ann Diaz, Angeline Colonia, Jhodie Peralta, Rosalinda Faustino, Jay-r Colonia, Kirby Kent Alas-as, ug Mango Prince David Tarro.
Ang delegasyon molarga paingon sa Uzbekistan sa Agosto 3, nga pagapangunahan ni Samahang Weightlifting ng Pilipinas President Monico Puentevella.
Sa miaging semana, nakakuha na sab ang Pilipinas ug 16 ka medalya sa IWF World Youth Championships nga gihimo sa Cali, Colombia.
Photo Courtesy: PNA
