Nakuha sa Meralco Bolts ang ikaduhang sunod nga kadaugan human makalusot batok sa Blackwater Bossing, 116-114, sa PBA Season 50 Governors’ Cup nga gipahigayon sa Ynares Center.
Bisan og nakalabaw og 18 puntos ang Meralco sa ulahing hugna sa duwa, nakabawi ang Blackwater ug nakatabla sa 114-all. Apan sa nahibiling 3.9 segundos, nakapuntos si Chris Newsome sa lay-up gikan sa asist ni Chris Banchero aron mabawi ang abante, 116-114.
Napakyas ang Blackwater sa ilang katapusang pag-atake human nasayop si RK Ilagan sa pagdribble, nga misangpot sa ilang kapildihan.
Si Antonio Hester ang nangulo sa Meralco nga adunay 25 puntos ug 12 rebounds, samtang nagtampo sila Newsome ug Banchero og 16 puntos matag usa. Alang sa Blackwater, si Sedrick Barefield miskor og 29 puntos ug si Kentrell Barkley adunay 28 puntos ug 10 rebounds.
Photo courtesy: Tiebreaker Times
