Gikumpirma sa Malacañang nga magpadayon ang pagpatuman sa ₱85 nga umento sa minimum nga suweldo alang sa mga babaye ug lalaki nga minimum wage earners sa Metro Manila.
Bisan pa man sa mga panawagan sa pipila ka grupo sa mga negosyante nga ipalangan kini, gitin-aw ni Palace Press Officer Claire Castro nga walay plano ang gobyerno nga suspindihon o ihunong ang maong pagtaas sa sweldo.
Matod pa sa opisyal sa Malacañang, tuloy-tuloy ang pagpatuman niini ug walay paghinto nga mahitabo. Ang maong umento sa suweldo gidesyunan aron makatabang sa pag-agak sa mga trabahante taliwala sa nagapadayong pagtaas sa presyo sa mga batakang palalitunon ug inadlaw nga panginahanglanon sa rehiyon.
Tukma nga ipatuman ang ₱85 nga umento sa duha ka hugna. Ang unang ₱60 mao ang magsugod na karong Hulyo 25, samtang ang nahibiling ₱25 nga bahin ipatuman unya sa Enero 20, 2027.
Photo Courtesy: PCO
