Giila sa Guinness World Records ang usa ka higanteng ceramic piggy bank sa usa ka theme park sa Colombia isip pinakadakong piggy bank sa kalibutan. Ang maong alkansya nahimutang sa Mano del Artesano – Pueblito de Barro sa lungsod sa Ráquira ug gihimo isip pagpasidungog sa dugay nang tradisyon sa paghimo og pottery o mga ceramic sa maong lugar.
Dili lamang kini usa ka dekorasyon, tungod kay mahimo usab kini hulogan og tinuod nga mga sinsilyo sa mga bisita. Ang tanang makolektang kwarta ihatag ngadto sa mga lokal nga animal shelter. Mahimo usab nga mosulod ang mga bisita sa sulod sa higanteng alkansya diin adunay gallery nga nagpakita sa kasaysayan sa ceramic piggy banks sa rehiyon, ug usa ka lookout point nga nagtan-aw sa kabukiran sa Boyacá.
Gigamit sa Guinness World Records adjudicator nga si Natalia Ramirez ang satellite technology aron masukod ang eksaktong gidak-on sa istruktura ug opisyal nga makumpirmar ang world record. Matod niya, usa ka dakong pribilehiyo ang pag-apil sa maong rekord ug ang pagsulay sa coin-drop test gikan sa kinatumyan sa higanteng alkansya
Photo Courtesy: Guinness World Records
