Gidakop ang social media influencers nga sila Andrew ug Tristan Tate human nagpagawas ang korte sa Britanya og bag-ong mga kasong kriminal batok kanila. Sumala sa Crown Prosecution Service, moabot sa 38 ka bag-ong kaso ang gisang-at, lakip ang pagpanglugos, pag-atake, ug human trafficking.
Gihangyo sa Britanya ang pag-extradition sa managsoon aron atubangon ang mga kaso, ug giingong miabot na sa 59 ang kinatibuk-ang gidaghanon sa mga kasong ilang giatubang.
Gihimakak ni Andrew ug Tristan Tate ang tanang pasangil ug giingon nga bakak ang mga kaso batok kanila, samtang nag-atubang usab sila og lahi nga imbestigasyon sa Romania sukad pa niadtong 2022.
