Naglusad ug usa ka malinawon nga protesta niadtong Hulyo 21, ang mga pribadong tag-iya sa yuta, mga miyembro sa Indigenous Peoples (IP), mga grupong relihiyoso, mga mangingisda, mga mag-uuma, ug uban pang mga sector didto sa Sitio Casanihan, Barangay Macambol, Mati City, Davao Oriental.
Tumong sa maong pagprotesta aron ipadayag ang ilang pagsupak sa gisugyot nga pag-renew sa operasyon sa pagmina sa Hallmark Mining Corporation sulod sa ancestral domain sa maong lugar.
Gipasiugda sa mga nagprotesta ang nagpadayon nga proseso sa Free, Prior and Informed Consent (FPIC), nga naghatag og gibug-aton nga ang mga miyembro sa apektadong Indigenous Cultural Communities adunay katungod sa pagdesisyon kung mohatag ba o dili sa ilang pagtugot sa gisugyot nga pag-renew.
Sa pagkakaron, gipakatap na ang mga personahe sa kapulisan sa maong lugar aron masiguro nga magpabilin nga malinawon ug hapsay ang maong kalihokan.
Photo Courtesy: Provincial Government of Davao Oriental
