Nasikop sa mga kapulisan sa Cateel Municipal Police Station, kauban ang PDEU DOPPO ug lain pang mga operatiba, ang usa ka lalaking tigpayuhot ug ginadiling droga atol sa gikasang buy bust operation didto sa Purok Proper, Brgy. Baybay, Cateel, Davao Oriental pasado alas 10:20 sa gabii, Hulyo 20, 2026.
Ang dinakpan naila nga si alyas “TITOG”, 46-anyos, ulitawo, laborer ug lumolopyo sa maong lugar, kinsa nag atubang sa kasong paglapas sa RA 9165 kun Comprehensive Dangerous Drugs Act of 2002.
Atol sa operasyon napalitan ang suspek ug usa ka heat-sealed nga plastic sachet nga adunay sulod sa gituohang shabu, laing upat ka pakete nga adunay puti nga substansiya ug usa ka PHP 500 nga buy-bust money. Ang mga illegal nga droga gibana banaang mutimbang sa 0.7 gramo nga adunay Standard Drug Price nga P4,760.00.
Human sa pagdakop gipasabot ang akusado sa iyang katungod ug sa pagkakarun gikustodiya na ang dinakpan sa Cateel Municipal Police Station alang sa tukmang disposisyon.
Photo Courtesy: Cateel MPS
