Gipahibalo ni Agriculture Secretary Francisco Tiu Laurel Jr. ang duha ka mahinungdanong lakang sa Departamento sa Agrikultura aron maprotektahan ang panginabuhian ug mapadako ang kita sa mga lokal nga mag-uuma gikan sa ilang mga ani.
Lakip sa mga gipagawas nga direktiba mao ang pagpataas sa minimum buying price sa wet palay ngadto sa ₱21 kada kilo ug ang temporaryong pagpahunong sa pag-import og bugas sa pikas bahin sa nasod panahon sa pag-ani.
Subay sa paningkamot nga matabangan ang mga mag-uuma sa nagtaas nga gasto sa abono ug uban pang gamit sa pagpanguma, gimandoan sa kalihim ang National Food Authority (NFA) nga ipatuman ang bag-ong minimum buying price nga ₱21 kada kilo (gikan sa kanhi ₱17) sugod sa umaabot nga ting-ani sa Septyembre.
Dugang pa niini, gimandoan usab ang pagpahunong sa pagpapasulod sa mga rice imports didto sa probinsiya sa Iloilo gikan sa tunga-tunga sa Septyembre hangtod sa katapusan sa Nobyembre.
Gipasabot sa opisyal nga ang pag-impost sa temporaryong ban sa imported nga bugas sa Iloilo gihimo aron malikayan ang pag-awas sa barato nga imported rice sa merkado samtang nagdagan ang peak harvest season.
Photo Courtesy:Philippine News Agency
