Viral sa social media ang usa ka litrato sa pet owner nga migamit og cooler isip alternatibong sakyanan sa iyang iro aron mapanalipdan kini gikan sa grabe nga kainit sa panahon samtang padulong sila sa beterinaryo.
Ang maong hulagway nakaani ug pagdayeg sa mga netizens tungod sa pagpakita niini og pag-atiman ug pagkamamugnaon alang sa kaayohan sa iyang binuhi.
Samtang nanawagan usab ang mga beterinaryo ngadto sa mga tag-iya ug mga binuhi nga mag-amping sa pagdala sa ilang mga iro sa gawas ilabina sa pinakainit nga oras sa adlaw.
Gipahinumdoman usab ang mga tag-iya nga sigurohon nga adunay igo nga tubig ang ilang mga iro ug likayan ang dugay nga pagpabilin sa init nga palibot aron malikayan ang heat stress ug uban pang peligro nga dala sa taas nga temperatura.
Photo Courtesy: Refletir para refletir
