Gipangunahan sa Mati City Police Station ang pagpahigayon sa unang adlaw sa Barangay Peacekeeping Action Team (BPAT) ug Public Safety, Peace and Order Training alang sa mga miyembro sa BPATs sa Brgy. Sanghay, Mati City niadtong Hulyo 20, 2026.
Nahimong mabungahon ang maong kalihokan pinaagi sa suporta sa RPSB CLUSTER 12 DOPPO nga nagpakita sa padayon nga paningkamot sa kapulisan ug lokal nga panggamhanan sa pagpalig-on sa kahimtang sa kalinaw, kahapsay, ug kaluwasan sa matag barangay.
Ang mga partisipante gihatagan og kahibalo bahin sa mga pamaagi sa paglikay sa sunog ug sa hustong pagtubag panahon sa emerhensya. Gipakita usab ang aktuwal nga paggamit sa fire hose ug bucket relay aron mas mapalambo ang ilang kaandam sa pag-atubang sa mga insidente sa sunog, ilabina sa mga lugar nga lisod maabot sa fire truck.
Samtang gitudluan usab ang mga BPATs kabahin sa ilang mga katungdanan ug responsibilidad isip mga kaabag sa kapulisan sa pagmintinar sa kalinaw ug kahapsay sa komunidad.
Photo Courtesy: Mati CPS
