Nakakuha ug atensyon sa kadaghanan ang usa ka 50-anyos nga runner nga nailhan sa angga nga ‘Uncle Chen’ human nga iyang natapos ang Xin’anjiang Marathon sa Jiande, China sulod sa tulo ka oras ug 28 ka minutos samtang nanigarilyo.
Tungod niini, gihatagan og pag-ila sa mga organizer si Chen pinaagi sa pagpaambit sa iyang finishing certificate. Sumala sa rekord sa maong marathon, nakab-ot niya ang ika-574 nga pwesto sa kinatibuk-ang hapit 1,500 ka mga runner, nga adunay opisyal nga oras nga 3:28:45.
Base sa report, dili lamang kini ang unang higayon nga nakit-an ug nakuhaan og litrato si Chen, apan aduna usab mga litrato niya nga nagdagkot og sigarilyo atol sa 2018 Guangzhou Marathon ug 2019 Xiamen Marathon.
Sumala sa mga taho, daw manigarilyo lamang si Chen kung magdagan siya. Gani, nailhan usab siya nga usa ka ultramarathoner, kinsa nakadagan na og mga distansya gikan sa 50 km hangtod sa mga lumba nga molungtad og 12 ka oras.
Tungod sa iyang talagsaon nga binuhatan nakaani kini ug lain lain nga reaksiyon ug adunay nahibulong sa iyang nahimong performance bisan pa sa iyang pagpanigarilyo.
Photo Courtesy: Canadian Running Magazine
